أثارت حرباية حالة من الجدل والقلق داخل كمبوند نيو جيدة، بعد هروبها من إحدى الفيلات.
البداية، عندما استيقظ سكان كمبوند نيو جيزة على رسالة من إحدى السيدات تدعى أماني فرج بفيلا 137، بشارع الجولف، متحدثة عن تعرضها لمشكلة حزينة جدا، وهي هروب “البات” خاصة بها أسمتها “زوبا”، في محيط أيفرلي هل، وهي عبارة عن حرباية تقوم بتربيتها في منزلها.
تقول السيدة أماني في المقطع الصوتي المتداول: “البات بتاعتى سابت البيت ومشيت، وهي حتكون فى محيط الايفرلى هل .. وهي للأسف صعب جدا اننا نلاقيها .. وارجوكم لما اقولكم ايه هى البات بتاعتى متضحكوش لان كل واحد بيبقى متعلق بالبات بتاعته جداً”.
وتابعت: هي حرباية “ Chameleon وانها تتوجد صعب جدا لانها ممكن تبقى قدامكن وانتو مش شايفنها لانها لو على الانترلوك الاسود فلونها حيبقى اسود ولو نطت على جنينة حد فيكم حيبقى لونها أخضر .. هى اسمها زوبا وانا بحبها جدا ومعرفش ايه اللى خلاها تعمل كدا وتسيبنى .. ياريت ايه اى حد يلاقى زوبا يتصل بيا على طول”.
ورد أحد السكان على السيدة أماني فى نفس الجروب: قائلًا: “هل اسم الحرباية جزء مهم فى الموضوع يعنى لو ندهت عليها حتجينى؟”.
وقامت جارتها بالرد عليها: “معلش يا استاذة امانى .. زوبا ايه وبتاعت ايه انا لو لقيت حاجة زى دى حموتها .. عيالى لو شافوها حيتسرعوا”.
