حلّت الفنانة ميس حمدان ضيفة على برنامج أسرار النجوم، المُذاع عبر أثير إذاعة نجوم إف إم، وتقدمه الإعلامية إنجي علي.
مواصفات فارس أحلام ميس حمدان
كشفت الفنانة ميس حمدان في أحدث تصريحاتها عن مواصفات فارس أحلامها وعما تفضله في الرجل وما لا تفضله، متحدثة عن الصفات التي تميز الرجل المثالي بالنسبة لها، وعن الأمور التي تعتبرها غير مفضلة في العلاقات الشخصية.
وقالت ميس حمدان: “فكرة شريك الحياة سبحان الله أحاسيسها متقلبة، أوقات أحس إني مشتاقة للفقرة دي، وعايزة أتدلع وأتخانق وأضربه ويشدني من شعري وأهبش فيه، وعايزة حنان وعايزة أتحب ويتقال لي كلام حلو، وأوقات زي دلوقتي عندي تبلد أحاسيس”.
وأضافت: “أنا فاتحة الباب، لكن لما تبصي حواليكي قلائل جدا وشبه معدومة نشوف زوجين فعلا مرتاحين”.
وردا على سؤال لماذا أصبح عمر الزيجات قصيرا بالمقارنة بفترات سابقة، قالت ميس حمدان: “في أسباب كتيرة، إحنا كأمة بعدنا عن ربنا كتير وأنا منهم، مش متمسكين وعايزين نكتفي بشخص واحد، وثانيا الإغراءات بقت عالية جدا، والسوشيال ميديا خلت مفيش حد راضي باللي عنده وكله عايز أحسن، والنسوان مش سايبة الرجالة في حالها ولا الرجالة سايبينهم، وكل واحد طول الوقت عايز حاجة جديدة تزغزغه”.
معنى الرجولة من وجهة نظر ميس حمدان
أوضحت ميس حمدان رأيها في معنى الرجولة قائلة: “الرجولة لا تتجزأ، والذكر حاجة والرجولة حاجة مختلفة، إنت عايزة الراجل المحترم الأخلاق اللي بيخاف ربنا، والسند الطموح اللي بيعرف يتصرف وياخد موقف، وأنا عايزة كل ده”.
ماذا تكره ميس حمدان في الرجال؟
أشارت ميس حمدان إلى صفة لا تحبها في الرجل قائلة: “أنا بكره الراجل المهزوز اللي لا يعترف بنقاط ضعفه، ومش بيعرف ياخد قرار، الراجل ده بيهبط من نظري هبوط فظيع”.
ومؤخرًا شاركت ميس حمدان كضيفة شرف في فيلم “السيستم”، بطولة طارق لطفي، وأحمد الفيشاوي، وبسنت شوقي، ونسرين طافش، وعدد من ضيوف الشرف أبرزهم ميس حمدان، نهى عابدين، رانيا منصور، أحمد فهيم، والمذيعة الأردنية راندا جبر ومن تأليف أحمد مصطفى، وإخراج أحمد البنداري، وينتمي الفيلم لنوعية الأعمال الكوميدية الممزوجة بالرومانسية.
كما طرحت مؤخرا عبر قناتها الرسمية في موقع يوتيوب فيديو كليب أغنية “زلزال في قلبي”، من كلمات كريم حكيم، ألحان خالد فتوح، وتوزيع جورج عاطف.
