كشفت الفنانة ريهام حجاج عن أهم الأشياء التي تفرح قلبها، مؤكدة أن سعادتها تكمن في اللحظات البسيطة التي تجمعها مع أسرتها.
وقالت ريهام حجاج خلال استضافتها في برنامج “سبوت لايت” مع الإعلامية شيرين سليمان على قناة صدى البلد: “اللي بيفرح قلبي لما بشوف حاجة حلوة، والناس كويسة، وبقعد مع ولادي وجوزي وأمي وأهلي، والناس اللي بحبها. كل دي حاجات بتفرحني”.
وفيما يتعلق بمسيرتها الفنية، تحدثت حجاج عن غيابها عن السينما لفترة طويلة، موضحة أنها لم تقدم أفلامًا منذ سبع سنوات.
وقالت ريهام حجاج: “بقالي فترة مش بعمل سينما، وآخر فيلم لي كان من 7 سنين، كنت بعمل زمان سينما كتير، وبعدين جت فترة كانت السينما بعافية شوية، لكنها بدأت ترجع تنطلق الفترة اللي فاتت، لكن أنا مجتهدتش إن أنا أعمل حاجة، لكن إن شاء الله السنة دي بحضر حاجة في السينما هتعجب الناس بإذن الله”.
كما تحدثت ريهام عن مسلسلها المقبل في رمضان 2025، مشيرة إلى أنها ستقدم شخصية “نادين” في مسلسل أثينا المكوّن من 15 حلقة.
وأكدت أنها تأمل في الانتهاء من تصويره قبل شهر رمضان لتتمكن من الاستمتاع بالشهر الكريم، حيث قالت: “أنا عايزة استمتع بالشهر لأن شغلنتنا دي بتخليني مبعرفش أعمل طقوسي في رمضان وأقعد وأصلي، والسنادي أول مرة أعمل تجربة الـ 15 حلقة، وشكل التجربة هتعجبني، وأعتقد هيبقى عندي وقت أعيش رمضان زي زمان”.
وفيما يخص أولادها، تحدثت ريهام عن التشابه بين أطفالها وزوجها، وقالت: “ناس يقولوا إن يوسف شبهي، وناس تقول إن جميلة شبهي، وناس كتير شايفة إن الاتنين شبه جوزي، بس أنا بشوف إن الأطفال ملامحهم بتتغير كل شهر”.
