واصل العقيد هادي جميل سالم مرشح حزب مستقبل وطن بمجلس النواب عن دائرة بسيون وكفر الزيات رقم 1 رمز القلم, جولاته وزياراته في قرى مركزي بسيون وكفر الزيات, وقد لاقى ترحيبا شديدا وحفاوة وحشودا هائلة في استقباله فرحا بقدومه ودعما وتأييدا له.
وقد زار سالم كفر جعفر والذي أكد أن فيها روح طيبة وناس عندها وعي وحب حقيقي لبلدها, وكان الاستقبال هناك كان مبهج ومفرح، وحفاوة أهل كفر جعفر أكدت أنهم لديهم طاقة حب وإيجابية كبيرة, وكلامهم كله كان دعم وحرص على التطوير والتحسين، والتغيير الحقيقي يبدأ بنا إحنا، لأن مشاكلنا محدش هيحلها غيرنا, مؤكدا لازم يكون عندنا إرادة وتعاون، وده اللي بيخليني متفائل باللي جاي إن شاء الله, مقدما الشكر لأهالي كفر جعفر على الاستقبال المحترم والدعم الصادق، وجودي وسطكم دايمًا بيأكد إننا هنقف صف واحد ونطور ونعمر بإيدينا .
كما زار سالم, أهالي النصارية موجها لهم الشكر علي المساندة مؤكدا نحقق مع بعض كل اللي بنتمناه عشان بلدنا تبقا احسن, موضحا رغم كل شيء، عندنا أمل في بكرة يكون أحسن والأمل أراه في الناس الطيبة التي تحب بلدها وتريد تعمّيرها, كما زار أهالي حصة أبار وكوم عبود موجها الشكر لهم على استقبالهم الطيب وكلماتهم الصادقة .
كما زار سالم قرية بنوفر مؤكدا أنها برجالها وناسها الطيبة الأصيلة كل مرة بزورها بتأكد إن المحبة الحقيقية عمرها ما بتتشال من القلوب, موضحا أن الدعم الكبير اللي شُفته منكم مش صدفة ده بفضل الله ثم بفضل نية صافية وشغل كنا دايمًا بنحاول نعمله بتقوى الله وضمير صاحي, مضيفا اللي بيني وبينكم مش مصلحة، ده ودّ واحترام متبادل اتبنى في سنين وعلى المواقف الحقيقية.
كما زار سالم, محلة اللبن موضحا ان الكلام كان واضح وصريح أن النائب مش فوق الناس، النائب في خدمة الناس, ومعانا بإذن الله، الحكومة كمان هتكون في خدمتكم، لأن دورنا الحقيقي إننا نوصل صوتكم ونحقق مطالبكم, مضيفا أن لدينا ملفات كثيرة محتاجة شغل من الصحة والتعليم لحد الطرق والخدمات العامة ومركز الشباب وده هيكون شغلنا الشاغل في المرحلة الجاية، نشتغل مع بعض على أرض الواقع علشان نشوف نتائج تليق بأهالي دايرتنا الكرام, موجها الشكر لأهالي محلة اللبن على استقبالهم الجميل وكلماتهم التي تعطي طاقة ومسؤولية في نفس الوقت.
كما ززار سالم, شبراطو وأكد أنا عارف مشكلة شبراطو كويس، وعارف إن الجهود الذاتية فيها قوية ومشرفة، وإن شاء الله دورنا في الدعم لاستكمال الإجراءات وتحقيق مطالبكم هو العهد اللي بيني وبينكم, اعرف حقك لأن الراجل اللي بيمثلك في المجلس ملزم يقضي حاجتك كمواطن في الإطار القانوني, شكرًا لأهالي شبراطو على الاستقبال الطيب والحوار المثمر، ويارب دايمًا أكون عند حسن ظنكم وعلى قدر تطلعاتكم
وأكد سالم أنه سعيد أنه كان وسط أهله في قرية كنيسة شبراطو, موضحا ان شاء الله هنستكمل مسيرتنا مع بعض في خدمة أهالينا في كفر الزيات وبسيون من مكان مختلف يتيح لينا نخدم بشكل أوسع بشكل يحسن ويطور حاجات كتيرة محتاجة مجهودكم ومساعدتكم معانا .
وأكد سالم, أنه لو على الحصانة، فأنا كنت أمتلكها وتخليت عنها لأجل خدمة الناس, ولو على المجد الشخصي، فهو في خدمتكم بالشكل اللي تستحقوه, شكرًا من القلب لأهالي منشأة اليعقوبية على الاستقبال الرائع اللي بيفوق الوصف والحضور الكبير في المؤتمرات واللقاءات في مختلف البلاد مش مجرد أعداد… ده حب وثقة وتشجيع بيخلوني أزداد إصرار إني أكون عند حسن ظنكم, وجودكم وسندكم هو أكبر وسام ممكن أفتخر بيه، وربنا يديم المحبة اللي بينا دايمًا .
تابع سالم قائلا “خير الناس أنفعهم للناس”, مضيفا أنه بكل وضوح الترشح لم يكن بمخططاتي، لكن عندما وجدت رغبة الناس الصادقة، وإصرار أهلي في كفر الزيات وبسيون ان أبدأ مشوار الخدمة من موقع أوسع ومختلف، ما قدرتش أتأخر.
وأضاف, اتعلمت طول عمري إن اللي بيني وبين الناس التزام ومسؤولية, موضحا أن البرنامج اللي شغالين عليه ان شاء الله حاطط المصلحة العامة فوق أي اعتبار، لأن اللي يستحق الأولوية هو المواطن البسيط، واللي محتاج يشوف فرق حقيقي في حياته مش وعود, جه الوقت نشتغل بجد وتنظيم، ونحقق إنجازات ملموسة على أرض الواقع بعيد عن أي استعراض أو كلام.
واستكمل, ثقتكم الغالية هي اللي دايمًا بتحركني، وبوعدكم إن يفضل جهدي ووقتي في خدمة الناس، زي ما اتربيت واتعلمت, شاكر لدعمكم الغير محدود ودا النعمة الحقيقية اللي ربنا يديمها علينا ويوفقنا نكون قد الثقة.
