يشارك الفنان محمد أبو حمامة في سباق مسلسلات رمضان 2024، بدوره كـ ضابط في مسلسل المداح 4 أسطورة العودة، والذي أكد أنه رفض أعمال كثيرة هذا العام لإحساسه بالمسؤولية تجاه جمهوره، وضرورة أن يقدم لهم في عمل كبير يليق بدعمهم له.
محدش يزهق من الاجتهاد
يقول الفنان محمد أبو حمامة حول مشاركته في مسلسل المداح 4 أسطورة العودة: فرحتي من امبارح متتوصفش.. كرم ربنا عليا كبير، وبالمناسبة أنا بسعى اشتغل فى المداح من الجزء الأول، ويشاء الله إنه يحصل بعد ٤ سنين سعى معاهم، وكذلك أى عمل دخلته كان بيبقى قبليه سنين بتواصل مع المسئول عن التسكين وبقعد سنين علشان اشتغل.. مفيش حاجه جت ع طبق من دهب!! أنا بقول الكلام دا علشان محدش يزهق من الاجتهاد ولا يقول لغاية امتى هفضل اتعب.
انبسط وأنت بتتعب علشان لما تنجح تنبسط أكتر
وتابع الفنان محمد أبو حمامة: انبسط وأنت بتتعب علشان لما تنجح تنبسط أكتر، عايز أشكر كل الناس اللى آمنت بيا وصدقتني، وكل الناس اللى قالت لى انت بعد الاختيار خلصت ومش هتكمل .. حابب اهدى شغُلى لكل حد قالى كلمه حلوه ساعدتنى امشى خطوه ولو بسيطه فـ المشوار .. أنا بيكم بطل.
