حلّ الفنان إيهاب فهمي ضيفًا على برنامج “كلّم ربنا” المُذاع عبر الراديو 9090 ويقدمه الإعلامي أحمد الخطيب، متحدثًا عن إصابة وادلته بالسرطان.
إيهاب فهمي يروي قصة إصابة والدته بالسرطان
يقول الفنان إيهاب فهمي متحدثًا عن إصابة والدته بـ السرطان: كنت في الشغل، وجالي اتصال تليفوني بيقولي والدتك أُصيبت بالسرطان، والمستشفي بتقولك إنها هتعيش من 3 لـ 6 شهور بس، لأن حالتها تدهورت للغاية!.
وأضاف إيهاب فهمي قائلًا: أمي كانت بتمارس حياتها بشكل طبيعي، وفجأة دخلت المستشفى ونقلناها للعناية المركزة.. كان يوم وقفة عيد الأضحى وصايمة، وبمجرد الكشف عليها شكوا في إصابتها بالكانسر وعشت وقت صعب معرفش عدي عليا ازاي لحد النهاردة.
وتابع: اللحظة اللي جريت فيها علي ربنا لما الدكتور جالي وصدمني يقولي إن قدامها من ٣ إلى ٦ شهور وتموت .. مقدرتش أصدق إن أمي في آخر أيامها، ودي كانت أول مرة أروح لربنا ومشيت في الشوارع أكلمه وأقوله علشان خاطري سيبها تعيش شوية!.
إيهاب فهمي: مرض أمي دخلّني تجربة فريدة في حياتي
يقول الفنان إيهاب فهمي: “مرض أمي دخلّني تجربة فريده في حياتي.. كنت سعيد وانا بخدمها وأردّ جزء بسيط جدا من اللى عملته ليا في حياتي لحد ما خدت اخر جرعة من الكيماوي”، مضيفًا: “وقتها بصور مسلسل وقالولي انها خلاص بتودع الحياه .. وصلت المستشفى مالقيتش خاتمها في صباعها والخاتم دا كان له معاني كتير في علاقتي بيها لأنه كان في عهد بيني وبينها انها ما تقلعوش غير لما تكون بتودع الدنيا .. لمّا بصيت على ايديها ومشفتش الخاتم عرفت انها ماتت وأن ربنا بعت لى رسالة مبكرة علشان اتماسك وأعرف أن والدتي راحت مني خلاص!”.
أمي ماتت وبيني وبينها حوار صامت بالعيون
يقول الفنان إيهاب فهمي في حواره لـ برنامج “كلّم ربنا” المُذاع عبر الراديو 9090: “أمي ماتت وبيني وبينها حوار صامت بالعيون كنت بقولها سامحيني واعذريني على كل تقصير في حقك”، مردفًا: “قعدت في الشارع من الساعة ٢ الفجر لحد الساعة ٦ صباحا أبص للسماء وأكلم ربنا وأقوله: ربي لا أسألك رد القضاء ولكن أسالك اللطف فيه يارب اغفر لى تقصيري في حقها”.
واختتم حديثه قائلًا: “تجربة وفاة أمي علّمتني إزاي أكلم ربنا رغم مرارة رحيلها لكن كان جوه المحنة منحة.. نعم فقدت أمي، لكني وجدت الله!”.
لمتابعة آخر الأخبار زورونا عبر منصاتنا
موقع الصورة الحقيقية اضغط هنــــا
فيسبوك الصورة الحقيقية اضغط هنـــــا
تويتر الصورة الحقيقية اضغط هنـــــــــــــا
يوتيوب الصورة الحقيقية اضغط هنـــــــا
واتساب الصورة الحقيقية اضغط هنـــــا
