ماما دهب.. واحدة من أبرز الأسماء اللامعة عل مواقع التواصل الاجتماعي التي اشتهرت مؤخرا، وعرفت بحب الطلاب والشباب لها، وبقصة كفاحها، وتعاملها معهم كأبنائها، تحرص عليهم وعلى صحتهم طوال الوقت – هكذا عرفتها مقطاع الفيديو المتداولة عبر السوشيال ميديا طوال الفترة الماضية.
ماما دهب، هي السيدة منال غريب، التي قررت تقديم الطعام المنزلي بأسعار بسيطة كونها لم تنجب أطفالاً، واختارت مكان المحل في وسط البلد كونه مكانا مميزا، خاصة لشباب الجامعات، وهي خريجة كلية إعلام، وتحرص دائمًا على تقديم النصائح لهم.
تريند ماما دهب
اعتاد رواد مواقع التواصل الاجتماعي، على تصدر موسمي لتريند باسم ماما دهب، بسبب طريقة حديثها مع زبائنها، والتي تهتم بتوجيه النصائح في صورة محاضرات، وذلك بطريقة يراها البعض مبالغ فيها.
انتقادات واسعة تتعرض ماما دهب لها بسبب مقاطع الفيديو المتداولة لها على من أمام عربتها الشهيرة وهي تتحدث للشباب، قائلة إنها مضغوطة في الشغل ومش حمل ضغوطاتهم عليها عشان تسرع في الأوردرات، فاللي حابب الحالة ينور واللي مش حاببها حقه يمشي.
هذه المقاطع تم تداولها بشكل واسع، واعتبر البعض هذا “أوڤر” من ماما دهب التي حوّلت عربتها من مكان لبيع الأكل لقاعة محاضرات لا تتوقف، باحثة عن التريند والشهرة.
ممكن تحبها وممكن تكرهها
يقول أحد المدونين عبر منصات التواصل الاجتماعي: ماما دهب ما قدرتش تبقى مجرد شخص بيقدم سندوتشات وبياخد فلوسها وخلاص، لا دي ام لكل شاب من الشباب اللي بيجيلها في وسط البلد عشان ياكل من إيديها، ممكن تقعد ساعة واتنين عشان تاخد سندوتشات من ماما دهب، وطول الفترة دي ماما دهب ما بين تجهيز الأكل وبين الخطب الرنانة اللي بتلقيها ع الموجودين، ماما دهب حالة مختلفة بصراحة ممكن تحبها اوي وممكن تكرهها أوي.
حرب التعليقات على خطب ماما دهب
يضيف آخر: نهار أغبر ع اليوم الى قفل من أوله ده. مين “ماما دهب” دي ؟ إيه العجرفة دى ؟ إية الفيديو ده؟ أنا مش فاهم. من فضلكم بكل ذوق كده اللي يعرف ايه الموضوع ده يفهمني .والناس قاعدة تسمع التنبيط والتهديد والجليطة دى لية ؟ هى بتوزع أكل يعنى ولا إية .
وطبعا لو هى ترند وأنا الى نايم على ودانى فهمونى عشان ميحصلش هجوم من حبايبها وأعمل هجوم مضاد بالبلوك.
وتابع آخر: واي حد هيقول عايز كاتشب ومايونيز ليلته طين
الاكل اللي عند ماما دهب يتاكل كله عشان الشيطان… هو اه بايت وطالع عينه بس لازم يتاكل … .
