عمر مصطفى متولي.. تصدر اسم الفنان عمر مصطفى متولي محركات البحث الشهيرة ومواقع التواصل الاجتماعي بعدما حلّ ضيفًا على برنامج “الراديو بيضحك” من تقديم فاطمة مصطفى عبر إذاعة “الراديو 9090”.
يرصد موقع الصورة الحقيقية تفاصيل تصدر اسم الفنان عمر مصطفى متولي على محركات البحث.
عمر مصطفى متولي في فيلم قراصنة الكاريبي
تحدث الفنان عمر مصطفى متولي عن فيلمه المقبل “قراصنة الكاريبى”، موضحًا أنه الجزء الثاني من أوشن 14 الذى سبق وتم طرحه في دور العرض عام 2016.
وقال عمر مصطفى متولي إن فيلم أوشن 14 كان وشه حلو على كل اللى اشتغل فيه، والفيلم ساهم في نجاحنا كلنا، والفيلم اللي جاي مشكلتنا فيه هي إننا مش عارفين نشيل منه مشاهد لأن مدته طويلة، ومحتارين نشيل ايه من كتر ما كل المواقف الكوميدية اللى فيه حلوة.
فيلم أوشن 14
فيلم “أوشن 14” قام ببطولته حينما تم عرضه قبل سنوات الفنان عمر مصطفى متولى، ومصطفى خاطر، ومحمد أنور، وحمدى المرغنى، وكريم عفيفى، وبيومى فؤاد، ونيرمين ماهر، وقصة وسيناريو وحوار أحمد مجدى أبو إسماعيل، وإيهاب عبد الرحيم، وعمر عبد الحى بدر، والفيلم من إخراج شادى لينين الرملى.
كشف عمر مصطفى متولي، حقيقة اعتذاره عن تجسيد شخصية والده “سيد سبرتو” في فيلم “شمس الزناتي”، الذي يقوم ببطولته الفنان محمد إمام.
اعتذار عمر مصطفى متولي عن المشاركة في فيلم شمس الزناتي
قال “مصطفى”: “أنا حابب شخصية سيد سبرتو من زمان من الطفولة، من قبل ما أمثل وأنا نفسي أعملها وحاجة في دماغي من زمان، والكلام ده بيتزامن مع فيلم شمس الزناتي”.
وأضاف: “اللي حصل وقت ما كنا بنحضر كان في منتج كان صعب أقول له هعمل الشخصية دي في فيلم وبعدين اجي أعملها معاك في المسلسل واعتذرت وقتها عن الفيلم، ومحصلش أي مشاكل، وبالعكس اللي عرفته أنه في ممثل مرشح يعمل الدور ده شاب ممتاز وبيمثل حلو جدا وعجبني جدا”.
وأكمل: “الحاجات دي مش بتضر دي مفيدة، وأنا مش من نوع الممثلين اللي لازم أعمل الفيلم أو المسلسل ده دلوقتي، لأ أنا سايب نفسي للسوق”.
وتابع: “عرفت بعد كده انهم هيستخدموا الواقع الافتراضي في فيلم “شمس الزناتي”، وده هياخد وقت وتحضير وجرافيك”.
سبب غياب عمر مصطفى متولي عن الاستمرار في مسرح مصر
كشف الفنان عمر مصطفى متولي سبب عدم استمراره في فرقة “مسرح مصر”، وأكد أنه عندما ترك الفرقة لم يكن هناك أي خلاف بينه وبين الفنان أشرف عبد الباقي.
وقال عمر مصطفى متولي خلال لقائه في برنامج “الراديو بيضحك” من تقديم فاطمة مصطفى عبر إذاعة “الراديو 9090”: “قعدت 5 سنين، أنا كنت وقتها بحضر فيلم اسمه “الجبابرة” وكنت نزلت دعاية ليه لكن هنعيده من أول لأن كان فيه النجمات رجاء الجداوي ولبنى محمود ومها أبو عوف اللي توفوا، القصة كنت أنا وسواق أتوبيس مع 10 ستات فوق السبعين سنة، فلازم نعيد التصوير، أنا كنت بحضر الفيلم ده في وقت بداية الموسم السادس من “مسرح مصر” والمسرح كان بياخد مننا 16 ساعة في اليوم لمدة 4 أو 5 أيام، أخري أصور معاه حاجة بسيطة، كان مرهق جدا”.
وتابع عمرو مصطفى متولي متحدثا عن تجربة “مسرح مصر”: “كان عندي مشكلة تانية كان بقالنا 5 سنين بنعمل 20 أو 25 مسرحية، كم الأفكار اللي اتعملت وخرجت، الفنانين الكبار مثلا أستاذ فؤاد المهندس وعادل إمام وسمير غانم بيعملوا رواية تقعد سنين وحافظينها مش واخدة من حياتهم ضغط، إحنا كنا كل 3 أيام نعمل رواية جديدة ونحبط يوم الخميس لأنها مش بتضحك وبعدين تضحك يوم السبت فنصورها الحد، فنقوم يوم الإتنين نبدأ في رواية جديدة”.
واختتم عمر مصطفى متولي حديثه: “مكنتش مبسوط وأنا بسيب، ما أنا باخد فلوس حد هيكره الفلوس، كنت داخل على فيلم من أحلام حياتي وداخل على حاجات تانية وكنت محتاج أخد راحة”.
