كشفت الفنانة صفوة أسباب رفضها العمل مع المخرج خالد يوسف بعد مشاركتها معه في فيلم “هي فوضى”.
وقالت صفوة خلال لقائها ببرنامج “أوضة ضلمة” الذي تقدمه الإعلامية إنجي هشام على شاشة “هي”: مبقتش ندمانة على دوري في هي فوضى، لأن أنا في الوقت ده البوسة اللي في الفيلم هي بس اللي مضايقاني ولكن أكتر من مرة أتفرج عليه لقيتني مش متضايقة، جالي أدوار جريئة كتير ورفضت لأنها مرحلة وعدت.
|
وتابعت صفوة: ابني عمره ما قالي حاجة على لبسي أو مشاهدي، أرفض العمل مع خالد يوسف لأن رؤيته بتكون غير اللي مكتوب على الورق، لأن مشهد الكوافير وبقول لخالد صالح تعالى وخلاص، وهنا المشهد خلص، لكن هو كمله برؤية تانية مش موجودة على الشاشة، ووقتها يوسف شاهين كان بيجي وتعبان وميعرفش عن المشهد ده”.
صفوة: بلبس نقاب وعباية وأشيل المانكير بعد الشغل وبصلي في الحسين
حلت الفنانة صفوة ضيفة على برنامج “أوضة ضلمة”، الذي تقدمه الإعلامية إنجي هشام، على شاشة قناة “هي” طوال شهر رمضان.
وقالت صفوة خلال لقائها: لما بخلص الشغل بلبس نقاب وعباية طويلة وأشيل المانكير وأروح الحسين أقعد كتير مبصليش وأمشي وأتكلم مع ربنا، لو ربنا مش واقف معايا كان زماني هبقى قعيدة الصدمة دي أثرت عليا.
وتابعت صفوة: بندم على حاجات كتير ندمت على عمل كنت مش عايزه أعمله واما اتعمل وأتعرض ندمت ندم عمري أني معملتوش – ودور كان في مسلسل لعمرو سعد ودور تاني كان النسة دي في مسلسل الأميرة لـ ياسمين صبري بعد ما رفضت ندمت لأنه كان حلو”.
وأضافت “صفوة”: “مافيش حاجة اسمها سينما نظيفة أو مش نظيفة، مش مؤمنة بالكلام ده”.
برنامج “أوضة ضلمة”، تقدمه الإعلامية إنجي هشام على شاشة قناة “هي” يوميًا خلال شهر رمضان من السبت إلى الخميس، في تمام الثامنة مساءً وتستضيف خلاله عددًا من نجوم الفن والرياضة الذين يتحدثون عن نجاحاتهم ومسيرتهم المميزة.
